Read great new stories in Scots written by young writers fae aw ower Scotland.

If you’d like your creative writing to be featured here, send your Scots stories to

The Real Hero by Sanquhar Primary School

A film inspired by the Battle of Bannockburn written and narrated in Scots by the pupils of Sanquhar Primary School. Their entry in Scots won first prize in the Battle of Bannockburn Short Film Competition.

Watch The Real Hero on the National Trust for Scotland's Battle of Bannockburn website

Bogle Adventure

Lang lang ago in the days o lang syne there was a muckle laddie cried Matthew and he had a wee bawdrin cried Freya. Ane day he decided he had tae fight at nicht a bogle that bided at But n Ben Lane in the toon. They said it came oot o the wid, but naebody was really sure whar it came fae
On the way tae meet the bogle they met a wee talking dug cried Snawflake wha asked tae join them on the adventure. Muckle Matthew said ‘Aye’ and they carried on their way tae the But n Ben lane.

In the first hoose there wis a wee laddie cried James wha abody cried Jumping Jeemy. He wanted tae help fight the bogle so they thought of a plan. The plan was to find a magic watter bucket and use it to fleg the bogle because they a kent that a bogle’s weakness is watter – they canna stand it!
So they went doon the road tae Lum Loch and fund the magic watter bucket and filled it up wi watter fae the loch. At nicht they waited for the bogle tae appear. Muckle Matthew, Freya the bawdrin, Snawflake the dug and Jumpin Jeemy. They hid tae be sleekit so as not tae let the bogle ken whit they were up tae. Soon enough if flew richt doon beside them but they splashed the watter on it til it got drookit. It was the bogle that got flegged and it flew awa never tae return again.

Then abody was able tae go hame and live happily ever efter.

Cara, Dillon, Ami and Travis
(P5B, St. Andrew’s Primary, Dundee)

Fiona and the Ring

Lang lang ago in the days o lang syne there lived a wee lassie cried Fiona. Ane winter's day as she wis walkin hame fae college her mither had prepared a perty for her, seein as it wis her birthday. Her mither gave her a present – a diamond ring, a bricht and sparkly. Fiona took the ring and rubbed it so as tae see it sparkle and, a o a sudden, oot o naewhere, a wee puppy appeared.

Fiona’s mither telt her that when she rubbed the ring it wid grant her any wish. So the next day Fiona wore the magic ring to college and used it to pass her spelling test wi flying colours. However, a laddie named Jaggy Johnny seen her yase it and wanted it for himself.

Noo, Johnny was a bad lad and the next day Jaggy Johnny stole the ring fae Fiona when she wisna lookin, so as to use it for evil. He wanted tae turn the hale world into stane and when Fiona realised what had happened she went to the burn alang the road and started to bubble. But then she spied something shining in the burn and went tae hae a wee keek. It wis anither ring!

When Fiona rubbed this ane it granted her three wishes. So first, she wished for her wee dug to be with her so that she wisna frightened. Next she wished to stop evil Jaggy Johnny fae turnin abody intae stane. Then she wished that she and her faimly could live happily ever efter in a wee cottage next to the burn wi plenty space for them a and the dug to play.

So Jaggy Johnny was defeated and they a lived happily ever after.

Kerr, Oliwia, Sarah and Amber
(P5B, St. Andrew’s Primary, Dundee)

The Baby Dragon, the Wolves and the Lassies

Lang lang ago in the days o lang syne there lived a bonnie lassie cried Rebecca. Rebecca lived with her mither and faither in a sma cottage beside a braw wee glen. Ane day as Rebecca wis wanderin roond the gairden she saw whit looked like a wee baby dragon.

She asked it its name and it replied ‘Flopsy’. As soon as it spoke a wicked carline cried Tricky Trixie appeared oot o naewhere, though really she had been watching fae the tap o the trees. Tricky Trixie was the maist hackit person in the glen and she wis so evil that she took Rebecca to a lang tall tower and kept her there for months and months.

Rebecca wondered if she wid ever be saved until ane day she noticed a baby dragon fly past her windae. ‘Hud on’ she shouted. It wis Flopsy. Flopsy wisnae a bairn any mair, and killed Tricky Trixie wi a magic diamond. Rebecca wis at last free fae the evil carline.

She went hame to her wee cottage where her mither and faither were waiting. When Rebecca and Flopsy went oot they met twa wolves wha seemed affy interested in Rebecca. They wanted tae eat her!

Suddenly Flopsy turned into a bonnie laddie and chased the wolves awa. Flopsy wis actually a prince wha the carline had put a spell on years afore. Rebecca merried the prince and they lived happily ever efter in a wee cottage wi the twa wolves as their pets.

Rebecca, Casey and Stephen
(P5B, St. Andrew’s Primary, Dundee)

by Kirsty Logan

Ma hoose seemed like lego. When I got hame, there were boxes a wy. Pieces of it had moved. A photae off a the windaesill, a pair a wellies shifted fae their place aside the door. Ma sister wis sittin on the fleer, a few tears runnin doon her face. It made me upset, seein ma sister greet, and seein how ah her things could jist be uplifted and taken away, but it wis her choice. She wanted to leave. She said university was important, that she wanted tae live by herself, but it didnae look like it.

She looked up when I walked in, and said through a weak voice that didna sound like her ane, “I dinna want tae go.”

I couldna think o anyhin tae say. I jist sat doon aside her an tried tae hud back the tears. I couldna. They started streamin doon ma face, but I didna say anyhin. I didna even look at her, cos I kaint it would mak ahin worse.

I dinnna kane how lang we sat there. It must a been a while, cos fan I got up fae the fleer, the piles o boxes were ah higher, and ahin seemed busy, like fan we were at school, and Miss Morris telt us we hid tae write 2 pages o our story afore the end o the day, an abdy sat in silence, but you could hear ah the pencils gan, as if a wee army o ants wis stormin through the room.

I went up I stairs, an intae ma sister’s room. Ahin hid moved. It wis empty. Lookin at it afore, a coulda sworn ahin in it wis a part o the hoose that couldna be changed. But it wis like lego. If it wisna lookin right, you could change it. Why could we nae jist change it back?

We packed up the car wi ah the boxes, one sittin on ma lap. We drove the hale hunner-an-siventy-odd miles in silence, except for once or twice, fan ma mammy tried tae lighten the mood. It didna help.

We drove past Toremore. The House of Bruar. Then we turned off the roonaboot at Perth, towards Glasgow. Then past Stirling, far ma dad pointed oot the Wallace monument, like he iways does. Then we passed the sign that says, “Welcome to Glasgow.” Then we passed the big library, an went away through the Clyde Tunnel, which, as ma mammy pointed oot, ma Grandpa built. Then past the big, glass Audi building. Turned away fae the motorway. Then we were there.

We parked outside a wee shop cad, “Night and Day”, across fae the halls ah residence for the University of Strathclyde.

We didna move fae the car for aboot ten minutes. I didna really kane fit tae dee. We didna speak.

We each took a box an carried it intae room two, flat three one. It wis sma. it hid a bed, a desk, a wee wardrobe an a sink. It looked like a prison cell.

We unpacked a few ah the boxes, made her wee prison cell look mare like hame. Ma dad nipped tae the wee shop across the road, got her some tins a soup an supernoodles, an came back, decided that we were gaun oot fer tea, an that he wis gonnae take her tae Asda in Govan in the morning, “cos a student cannae afford that wee shop.”

We went tae Di’Maggio’s. I loved it there. They pit cocktail sticks in their burgers tae haud them thigither cos they’re that big. The man gied me a kids menu when we went in, an there wis a wee pot ah crayons on the table when we sat doon. There wis a picture o a farm on the back ah ma menu that we hid tae colour en. Me an ma sister did fit we ayways did. We picked the opposite colours fae what the picture shoulda been, an coloured it in as if we were gonnae sell it for a million. It looked awful, but ma sister said she’d pit it on her wa anyway.

We didnae get tae order fur a while, cos it was busy, so me and ma sister played wur wee game, where we tried tae high five each other, but moved wur haunds away afore the other person could git them. Ah wisnae very good, but ma sister would pretend she wis lookin at summin really interestin so ah would hae a chance tae git some points. I loved playin it, cos even though her hands felt aw boney when I high fived her, it wis one ah the few things that still made her laugh.

She didnae laugh as much as she normally did when we were playin, but I think that’s jist because she kept thinking aboot us leavin her here hersel. The low-hangin ceilin light above us kept shinin off her collarbones, an the shadows it created made the daurk, sallowed bits under her eyes look even worse.

The waiter came tae take wur order. I cannae remember what ma mammy and ma daddy ordered, but I ordered a cheeseburger an chips, an even though I knew I’d niver manage tae finish it aw, I still telt ma mammy I wid. The waiter looked roon at ma sister, waitin fir her tae order summin. She didnae say anyhin, she just looked doon at the table an shook her heid.

Ma mammy looked directly at her, and spoke in the way she dis when she’s no really angry, jist disappointed wae us. “You promised you’d eat this year.”

by P2 at St Luke's Primary Schuil, Midlothian

A muckle, peeliewally moose came running oot the hoose. The moose boonces roond the gairden. A baudran starts bletherin to him. The moose meets a greetin’ bairn and takes him hame till his maw.